Apresasyon Para Sa Akong Kaugalingon nga Bangko ( BDO- CDO Cogon Branch )

Adunay usa ka sitwasyon nga nahitabo sa usa nako ka higala diin ako mapasalamaton sa akong kaugalingon nga branch nga bangko, ug kini mao ang BDO Cogon Branch, Cagayan de Oro City 

Ang akong higala nakadawat ug dako nga salapi ug dinalian ang pagbalhin niini sa iyahang ATM. 

Ang problema sa diha nga siya misulay sa pag withdraw sa iyang salapi, padayon nga gapahibalo ang ATM nga naggamit siya sa sayup nga PIN. 

Ang akong higala naguol ug nabalaka nga basin ma-block ang iyang ATM. Gikinahanglan na gyud niya ang salapi. 

Maayo na lang, abri ang iyang bangko sa maong adlaw ug nailisan niya iyahang PIN pag-usab sa dili madugay — pagkahuman nga gi fill-up ang mga kinahanglanon nga mga dokumento alang sa pagbag-o sa PIN sa bangko. 

Ang akong higala naggamit ug lain nga bangko (Ako gagamit ug BDO nga account) apan ang iyahang istorya naghimo kanako nga mas mapasalamaton sa akong kaugalingon nga bangko. 

Panahon sa pandemya, bisan sa labing higpit nga pag-lockdown, ang BDO nagpabilin nga abri sa mga lugar diin gisirhan ang ubang mga bangko.

 

Gilimitahan sa BDO ang mga oras sa operasyon niini tungod sa istrikto nga quarantine period apan nahibal-an nako nga kini nag-abri ug daghang mga branches. Ang ubang mga bangko dili makahimo sa ingon.

 

Sa mga lugar nga temporaryong gisirhan ang ubang branch sa BDO bank ug ATM, nagpadala ang BDO ug mga mobile ATM. 

Kini ang mga ATM nga gi-install sa dagko nga mga van ug kini nga mga mobile ATM nakatabang gyud ug dako sa mga kliyente sa BDO nga makakuha sa kinahanglan nga salapi. 

Aduna usab nga mga panahon sa lockdown nga nanginahanglan ko og dali-dali nga salapi over-the-counter.

Nawala akong kagool nga ang akong branch sa BDO (BDO Cogon Branch) nagpabiling abri, ug ang mga empleyado sa BDO nagpabilin kini sa ilang pagka-mahigalaon, maayong pag abi-abi, ug mas gikasaligan ko

bisan kung ang pandemiya nakapabati kanako ug kabalaka. Mapasalamaton ako kanila alang niana. 

Kini nga apresasyon nga blog post para ni sa akong kaugalingon nga bangko.  Unta daghan pa ang maka-appreciate sa mga empleyado nga naa sa mga industriya sa banking, healthcare, ug serbisyo nga makatabang kanato sa pag serbisyo bisan pa niining panahon sa bag-ong normal. 

Busa magpasalamat kita kanila kay takus ug angayan sila.